21 лютага адзначаецца Міжнародны дзень роднай мовы. Ва ўстанове адукацыі ён пачаўся з акцыі "Слова да слова - будзе мова".
Вучні і настаўнікі школы ўспомнілі беларускія назвы кветак, раслін, грыбоў, ягад, садавіны і агародніны, папоўнілі свой слоўнікавы запас новымі словамі.
Для вучняў 5-8 класаў прайшла віктарына "Размаўляем па-беларуску". Школьнікі ўспаміналі словы прывітання на роднай мове, перакладалі словы і сказы з рускай мовы, пазнавалі назвы прадметаў па лексічным значэнні, расшыфроўвалі прыказкі.